एजेन्सी । बुधबार चन्द्रयान–३ को ‘ल्याण्डर मोड्युल’ चन्द्रमाको दक्षिणी ध्रुवमा सफलतापूर्वक अवतरण गर्यो ।
चार वर्षअघि चन्द्रयान–२ को दुर्घटनाग्रस्त अवतरणको निराशाको अन्त्य गर्दै चन्द्रयान–३ लाई चन्द्रमाको दक्षिणध्रुबमा अवतरण गराएर भारत ऐतिहासिक सफलता रच्न सफल भयो ।
यो ध्रुबमा पुग्ने भारत पहिलो देश बन्यो । साथै, चन्द्रमाको सतहमा सफलतापूर्वक अवतरण गर्ने अमेरिका, चीन र रूसपछि भारत चौथो देश बन्यो ।
चन्द्रयान–३ को बजेट करिब ६१५ करोड भारु रहेको छ भने जुन १६ मा रिलिज फिल्म आदिपुरुषको लागत ७०० करोड रुपैयाँ थियो ।
अर्थात चन्द्रयान–३ यस फिल्मको लागतभन्दा करिब ८५ करोड रुपैयाँ सस्तो छ ।
फिल्म बक्स अफिसमा फ्लप सावित रह्यो । विवादित फिल्म आदिपुरुषले लगानी समेत उठाउन सकेन ।
यसअघि ४ वर्षअघि पठाइएको चन्द्रयान २ को लागत पनि ६०३ करोड रुपैयाँ थियो । तर, यसको सुरुवातमा ३७५ करोड रुपैयाँ खर्च भएको थियो ।
