काठमाडौं । संसदमा निर्णायम भूमिकामा रहेको जनता समाजवादी पार्टीले प्रधानमन्त्री केपी शर्मा ओलीले मागेको विश्वासको मतमाथि सोमबार प्रतिनिधि सभा हुने मतदानमा आफ्ना सांसदहरूलाई ह्वीप नलगाउने भएको छ ।
जसपा नेता बाबुराम भट्टराईको टोखास्थित निवासमा आइतबार दिउँसो बसेको संसदको चौथो ठूलो दल समेत रहेको जसपा पदाधिकारी बैठकले सांसदहरूलाई उनीहरूकै विवेकले निर्णय गर्न दिने निर्णय गरेको हो ।
ओली सरकारको निरन्तरता कि नयाँ सरकार भन्नेबारे जसपाभित्र दुई लाइन छन् । ठाकुर र महतो लामो समयदेखि प्रधानमन्त्री ओलीसँग नजिक भएका छन् भने नेताहरू उपेन्द्र यादव र बाबुराम भट्टराई जसरी पनि ओलीलाई फाल्नु पर्ने पक्षमा रहँदै आएका छन् ।
