काठमाडौँ । गायिका समिक्षा अधिकारीको अस्ट्रेलियाको भिसा रद्द भएको छ । तीज कार्यक्रमका लागि अस्ट्रेलिया जान लागेकी समीक्षाको नेपालस्थित अस्ट्रेलियन दूतावासले भिसा रद्द गरिदिएको हो ।
समिक्षाले आफू १८ वर्ष नपुगेकोले केयर टेकरको आवश्यकता पर्ने भन्दै आवेदन दिएकी थिइन् । तर, यसअघि अस्ट्रेलिया जाँदा लगेको केयर टेकरलाई उतै छोडेर आएपछि उनको भिसा रद्द भएको बताइन्छ ।
समिक्षाले पछिल्लोपटक फागूपूर्णिमाको अवसरमा अस्ट्रेलिया जादा आफू १८ वर्ष नपुगेकाले केयर टेकर आवश्यक पर्ने भन्दै दिदीलाई लिएर गएकी थिइन् । अहिले फेरि तीजको अवसरमा अस्ट्रेलिया जाने तयारीमा रहेकी उनले केयर टेकरको आवश्यकता पर्ने भन्दै अर्को व्यक्तिको लागि आवेदन दिएकी थिइन् ।
पहिले लगेको केयर टेकर उतै छाडेको कारण अस्ट्रेलियन दूतावासले उनको १ वर्षको भिसा अवधि रहँदापनि रद्द गरिदिएको बताइएको छ ।यद्यपी यसबारे समिक्षाले भने केहि बोलेकि छैनन् ।
