काठमाडौँ । एसीसी एसिया कपका लागि पाकिस्तान पुगेको नेपाली क्रिकेट टिमलाई स्वागत गरिएको छ । नेपाली टिमलाई पाकिस्तान क्रिकेट बोर्ड(पिसीबी)ले स्वागत गरेको हो ।
नेपाली टिम मंगलबार राति पाकिस्तान प्रस्थान गरेको थियो । एसिया कप अगस्ट ३० बाट पाकिस्तान र श्रीलंकामा सुरु हुँदैछ । तर, तयारीका लागि नेपाली टोली एक हप्ता अगाडी नै पाकिस्तान पुगेको हो ।
एसिया कपका लागि नेपाल समूह ‘ए’ मा रहेको छ । यस समूहमा आयोजक पाकिस्तान र भारत छन् । नेपालले पहिलो खेल पाकिस्तानविरुद्ध अगस्ट ३० तथा दोस्रो खेल भारतविरुद्ध सेप्टेम्बर ४ मा खेल्नेछ ।
