विराटनगर । कोशी प्रदेशका मुख्यमन्त्री उद्धव थापाले विश्वासको मत प्राप्त गरेका छन् । सोमबारको प्रदेशसभा बैठकमा मुख्यमन्त्री थापाले विश्वासको मत लिनेसम्बन्धी प्रस्ताव पेश गरेका थिए ।
उनको पक्षमा बैठकको अध्यक्षता गरेका इस्राईल मन्सुरीको समेत गरी ४७ मत परेको छ । यस्तै, उनको विपक्षमा ३० मत परेको छ ।
संविधानको धारा १६८ को २ अनुसार गत साउन १६ गते सभामुख बाबुराम गौतमलाई राजीनामा गराएर थापा दोस्रो पटक मुख्यमन्त्री नियुक्त भएका थिए ।
