एजेन्सी । संसारमा धेरै अनौठा ठाउँहरू छन् जसको बारेमा थाहा पाउँदा अचम्म लाग्न सक्छ । अहिले सामाजिक सञ्जालमा एउटा अनौठो पसलको तस्बिर भाइरल भइरहेको छ जसले मानिसहरूलाई छक्क पारेको छ ।
तपाईंले मैदानदेखि उच्च पहाडी चुचुराहरूमा पसलहरू देख्नुभएकै होला । तर के तपाईंले कहिल्यै पसल हावामा झुण्डिरहेको देख्नुभएको छ ?
तपाई सोच्दै हुनुहुन्छ कि यो कसरी हुन सक्छ ? तपाईलाई पत्यार पनि लाग्दैन तर तस्बिरमा पसल हावामा झुण्डिएको देख्न सकिन्छ । तपाईले अहिलेसम्म यस्तो पसल देख्नु भएको छैन होला । भिरमा हावामा झुण्डिएको संसारको यो एक मात्र पसल हो । संसारको यो अनौठो पसल चीनमा अवस्थित छ । सबैभन्दा अचम्मको कुरा यो ३ सय ९३ फिटको उचाइमा हावामा झुण्डिएको छ ।
पसलमा चिया पिउन, डोरीमा चढेर साहसिक कार्यको आनन्द लिन सकिन्छ । यो चीनको हुनान प्रान्तको सिन्युझाई राष्ट्रिय भूवैज्ञानिक निकुञ्जमा अवस्थित छ । भिरमा एउटा सानो काठको बक्स झुण्डिएको छ । यो स्टोरलाई विश्वको सबैभन्दा असुविधाजनक सुविधा स्टोर भनिएको छ ।
सिन्युझाई नेशनल जियोलोजिकल पार्कको पहाडको छेउमा झुण्डिएको काठको झुपडी सानो देखिन सक्छ, तर यो पूरै पसल हो । सामाजिक सञ्जालमा भाइरल पसलको फोटो देखेर मानिसको मनमा एउटै प्रश्न छ कि यसमा के पाइन्छ ? यति उचाइमा पसल बनाउनुको कारण के हो ?
मिडिया रिपोर्टहरूका अनुसार यो चिया पसलले पर्वतारोहीहरु जो पहाड उक्लिने क्रममा केहीबेर थकाई मार्न चाहन्छन् उनीहरुका लागि चियाखाजा उपलब्ध गराउँछ ।
