काठमाडौँ । संसद्को गतिरोध खुलाउन प्रधानमन्त्री पुष्पकमल दाहाल ‘प्रचण्ड’ ले बोलाउनुभएको छलफल विनानिष्कर्ष सकिएको छ । बैठक फेरि भोलि बस्ने गरी नेताहरू उठेको राष्ट्रिय स्तवन्त्र पार्टी (रास्वपा)का सभापति रवि लामिछानेले बताउनुभयो।
आजको छलफलमा सबै दल सदन खुलाउनु पर्छमा सहमत भएको उल्लेख गर्दै भन्नुभयो, “अब बैठक फेरि बस्छ । भोलि बस्ने बैठकमा सहमति जुट्नेछ ।”
सभापति लामिछानेका अनुसार नेकपा (एमाले) ले समितिको अडान राखिरहे पनि गृहमन्त्रीले सीआईबीले अनुसन्धान गरिरहेकाले अर्को समिति बनाउँदा छानिबन प्रभावित हुनसक्ने बताउनुभएको थियो । अब १५ दिनमात्रै बाँकी रहेकाले गृहमन्त्रीले मागेको समयभित्र सहमति जुटाउने प्रयास भइरहेको उहाँको भनाइ थियो ।
एमालेले सुन तस्करी प्रकरणमा उच्चस्तरीय छानबिन समितिको अडानसहित साउन १० गतेबाट निरन्तर बैठक अवरुद्ध गर्दै आएको छ । प्रधानमन्त्रीले समाधानको उपाय खोज्न राष्ट्रिय मान्यता प्राप्त दलका नेतासँग छलफल गरेका थिए ।
