एजेन्सी । सनी देवलको फिल्म ‘गदर–२’ ले हरेक दिन नयाँ रेकर्ड तोडिरहेको छ । फिल्मले सोमबार ३९ करोड कमाएको छ । योसँगै यो फिल्म सोमबारको दिनमा अहिलेसम्मकै सबैभन्दा धेरै कमाउने फिल्म बनेको छ ।
अर्कोतर्फ, अक्षय कुमार स्टारर ओएमजी–२ ले राम्रो प्रदर्शन जारी राखेको छ। फिल्मले रिलिजको चौथो दिनमा १२ करोड कमाएको थियो । योसँगै यो फिल्मको कुल कलेक्सन ५५ करोड पुगेको छ ।
गदर–२ को सन्दर्भमा यो फिल्म स्वतन्त्रता दिवसमा २०० करोड क्लबमा सामेल हुने अपेक्षा गरिएको छ । यो फिल्मले पहिलो दिन ४० करोड, दोस्रो दिन ४३ करोड र तेस्रो दिन ५२ करोड कमाएको थियो । सोमबार ३९ करोड कमाएपछि फिल्मको कुल कलेक्सन अहिले १७३ करोड पुगेको छ । योसँगै सनीको अहिलेसम्मकै सबैभन्दा धेरै कमाउने फिल्म बनेको छ ।
अनिल शर्माको निर्देशन रहेको यो फिल्म २००१ को गदरको सिक्वेल हो । फिल्ममा सनी देवलसँगै अमिशा पटेल, उत्कर्ष शर्मा, मनिष वधवा, गौरव चोपरा लगायतको भूमिका रहेको छ ।
