कपिलवस्तु । नेपाली कांग्रेसका केन्द्रीय सदस्य अब्दुल सत्तारले कांग्रेस कमजोर बनाउने गुटप्रति पार्टी निर्ममरुपमा प्रस्तुत हुनुपर्ने बताउनुभएको छ ।
नेपाली कांग्रेसको आन्तरिक विशेष अभियानअन्तरगत केन्द्रीय प्रतिनिधिका रुपमा कपिलवस्तुमा नेता तथा कार्यकर्तालाई सम्बोधन गर्दै सत्तारले यस्तो बताउनुभएको हो ।
१० दिने विशेष अभियानको समीक्षा कार्यक्रममा नेता सत्तारले भन्नुभयो, “लोकतान्त्रिक पार्टीमा वादविवाद हुन्छ, गुट पनि हुन्छ तर त्यो पार्टी बलियो बनाउन हुन्छ, पार्टी हराउन होइन ।”
उहाँले भन्नुभयो, “एक अर्कालाई हेर्न पनि नसक्ने हामी कस्ता भयौँ रु अझ बिपीका कायकर्ता कसरी भन्ने रु यो आजै, अहिल्यै अन्त्य हुनुपर्छ । यस्तो संस्कारलाई सबै मिलेर परास्त गरौँ ।”
उहाँका अनुसार कांग्रेस कमजोर हुँदा व्यवस्थामाथि प्रश्न उठ्न थालेको छ । “कालो बादल मडारिन थालेको छ । यो सबै उपलब्धि गुम्न पनि सक्छ । यस्तो बेला पनि गुटको राजनीतिमा रमाउने कदापि गर्नु हुँदैन ।”
पार्टीलाई आघात पुग्ने कार्य र व्यक्तिवादी सोच त्याग्न आग्रह गर्दै उहाँले जनतासँग गरेको वाचा पूरा गर्न सबै लाग्नु पर्ने बताउनुभयो ।
कांग्रेस कस्तो भयो भनेर २०८४ को निर्वाचनमा आउने परिणामबाट देखिने भन्दै उहाँले अबका निर्वाचनमा गठबन्धन गर्ने कि नगर्ने भन्ने कुरा यिनै अभियानहरुमा भर पर्ने बताउनुभयो ।
