• ९ असार २०८१, आईतवार
  •      Sun Jun 23 2024
  •   Unicode
Logo
Latest
★   नेपाल–चीनबीचको सम्बन्ध नयाँ उचाइमा पुगेको छ: उपाध्यक्ष घिमिरे ★   लैंगिक समानता घरबाटै सुरु गरौ, लैंगिक हिंसा अन्त्य गरौ ★   ‘मिस ग्राण्ड नेपाल-२०२४’को आवेदन खुला ★   गाग्रीमा पानी ओसार्ने समस्या समाधान हुन्छः खानेपानीमन्त्री राई ★   शहरी विकास मन्त्रालयको बजेट असन्तुलित रहेको भन्ने भनाईमा सत्यता छैनः मन्त्री बुढा ★   वैदेशिक रोजगारीमा जाने ९६ प्रतिशत नागरिक ठगिएका छन्, टुलुटुलु हेरेर बस्न सक्दिनँः मन्त्री अर्याल ★   दक्षिणी मेक्सिकोमा एक हप्ताभित्र दुई नगर प्रमुखको हत्या ★   टी–२० विश्वकपको इतिहासमा पहिलो खेल खेलेका वेस्ट इन्डिज र दक्षिण अफ्रिका भिड्दै ★   जिबी राईलाई पक्राउ गर्ने नियत गृहमन्त्रीको छैन: प्रकाशशरण महत ★   प्रधानमन्त्री बलियो हुनुहुन्छ, उहाँकै कमाण्डमा देश अघि बढ्छ: महेश बर्तौला

संसदमा बोल्न नदिए पार्टी भित्र बिद्रोह गर्छु: काँग्रेस सांसद शर्मा



काठमाडौं । सत्तारुढ नेपाली काँग्रेसका सांसद सुनिल शर्माले आफूलाई संसदमा बोल्न नदिए पार्टी भित्रै बिद्रोह गर्ने चेतावनी दिनुभएको छ ।

सांसद शर्माले पार्टी संसदीय दलको बैठकमा आफूले संसदमा बोल्न नपाए बिद्रोह गर्ने धारणा राखेको जानकारी गराउनुभएको हो । आईतवार बसेको पार्टी संसदीय दलको बैठकपछि सञ्चारकर्मीमाझ उहाँले यस अघि पनि पार्टीका प्रमुख सचेतक रमेश लेखकले बोल्न नदिएपछि आफूले बिद्रोहीको रुपमा संसदमा बोल्नुपरेको खुलासा समेत गर्नुभयो । सांसद शर्माले सरकारलाई आतंककारीको संज्ञा दिँदै यसलाई छिटो भन्दा छिटो हटाउने प्रयासमा आफू लाग्ने प्रतिवद्धता व्यक्त गर्नुभयो ।

उहाँले भन्नुभयो, ‘हाम्रो पार्टीको आज संसदीय दलको मिटिङ थियो । मैले चाँही म एरेष्ट भएको विषयमा पार्टीका नेताहरुलाई ब्रिफिङ गरेँ । र, अर्को कुरा चाँही मैले मेरो पार्टी, नेपाली काँग्रेस पार्टीका सबै सभासदहरुले मलाई दु:खको समयमा गर्नुभएको साथ, सहयोगप्रति चाहीँ मैले धन्यवाद ज्ञापन गरेँ । र, मैले आफ्नो कुराहरु निर्धक्कका साथ राखेँ । मैले मेरो स्ट्याण्डलाई कायमै राखेँ । र, मैले के भनेको छु भने–सचेतकज्युले लास्ट टाईम पनि बोल्न नदिएको कारणले त्यो दुर्घटना भएको हो । र, मलाई सचेतकज्युले बोल्न दिनुभएन भोलि भने म त्यहाँ भित्र पनि बिद्रोह गर्छु भनेको छु मैले । संसदीय दलमा मैले यो कुरा राखेको छु । बिद्रोह गर्न पाइँदैन भन्ने कुरा पनि आएको छ । तर मैले भनेको छु–तपाइँहरुले मलाई कारबाही नगर्नुहोला । मेरो नेताहरुलाई मैले आग्रह गरेँ । मैले चाहीँ मलाई बोल्न दिइएन, प्रतिवन्ध लगाइयो । मुख थुनियो भने म बोल्छु । मेरा कुराहरु म निर्वाध रुपमा राख्छु मैले भनेँ । अहिलेको कुरा त्यही हो । भोली त्यो कुरा राखिन्छ । म जुन बेला एरेष्ट भए नि । आतंककारी हिसावले म त यो सरकारलाई आतंककारी भन्छु । मैले संसदीय दलमा पनि त्यही सम्बोधन गरेको छु । यो सरकार आतंकारी हो ।

हामी पनि सरकारमा छौं । तर, सरकारमा भएको फिल मलाई भएको छैन भनेर पनि मैले बैठकमा भनेको छु । यो बाहिर पनि भन्छु म । यो आतंककारी सरकारले मलाई बिना पक्राउ पूर्जी एरेष्ट गर्‍यो । र, घण्टौ मैले झगडा गरेपछि पूँर्जी इस्यु गरियो । र, थुनामा राख्ने पूर्जी भोलिपल्ट मात्रै दिइयो । जुन आफैँमा गैरकानूनी छ । र, एउटा इस्युमा मलाई तेस्रो पटक पक्रियो । जुन आफैँमा गैरकानूनी छ । त्यसकारण यो आतंककारी सरकारलाई सकेसम्म चाँडो बिदा गर्नुपर्छ भन्ने हो हाम्रो । मैले के कुरा राखेभने त्यहाँ अर्थमन्त्रीजीले पनि आफ्नो कुरा राख्नुभयो । अर्थमन्त्रीजीहरु आफ्नो कुरा राखेपछि हिँड्नु भयो । मैले भनेको छु–जनताले हामीलाई कुरीकुरी गर्ने अवस्था छ कि छैन ?’

सांसद शर्माले आफूलाई सरकारले गैरकानूनी ढंगले थुनेकाले त्यसको बिरोधमा उत्रनुपर्ने अवस्था आएको पनि दोहोर्‍याउनु भयो ।