एजेन्सी । भोली अगस्ट १० मा रजनीकान्तको फिल्म ‘जेलर’ रिलिज हुन लागेको छ । यसको अवसरमा चेन्नई र बैंगलोरका कार्यालयहरूले आफ्ना कर्मचारीहरूलाई एउटा गजबको उपहार दिएका छन् ।
समाचार अनुसार चेन्नई र बैंगलोरका धेरै कार्यालयहरूले रजनीकान्तको फिल्म हेर्न १० अगस्तमा बिदा दिएका छन्। यति मात्र होइन, धेरै कार्यालयमा कर्मचारीलाई टिकट समेत नि:शुल्क दिइएको छ ।
यतिमात्र नभएर फ्यानहरुले फल्मको सफलताको लागि मदुरैस्थित तिरुपरकुण्डम मन्दिरमा बिशेष पुजाआजा गरेका छन् । उनीहरुले केहि नखाई खालि खुट्टामा गई विशेष पुजाआजा गरेका छन् ।
रजनीकान्त २ वर्षपछि पर्दामा धमाकादार एन्ट्री गर्दैछन् । फिल्म जेलरमा उनी फुल एक्सन मोडमा देखिनेछन् । ट्रेलरले रजनीकान्तलाई पहिले कहिल्यै नदेखेको अवतारमा देखाइएको छ र एक्शन-प्याक र सस्पेन्सफुल कथालाई संकेत गरेको छ। थलाइवाको यो एक्सन प्याक फिल्म हेर्न फ्यानहरु आतुर छन् ।
‘जेलर’ रजनीकान्तको १६९ औँ फिल्म हो । यही कारणले गर्दा फिल्मको नाम पहिले ‘थलाइवा १६९’ राखिएको थियो । पछि ‘जेलर’ राखियो ।
