काठमाडौं । संसद्को अवरोध खुलाउन प्रमुख तीन दलका शीर्ष नेता बैठकमा बस्दैछन् । बालुवाटारस्थित प्रधानमन्त्री निवासमा शीर्ष नेताहरु बैठकमा बस्न लागेका हुन्।
१ बजे बस्ने भनिएको प्रतिनिधिसभाको बैठक अगावै अवरुद्ध बैठक सुचारु गर्नका लागि सहमति खोज्न शीर्ष नेताहरु छलफलमा बस्न लागेका हुन्।
बैठकमा प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड, प्रमुख प्रतिपक्षी दल नेकपा एमालेका नेता केपी शर्मा ओली र नेपाली कांग्रेसका सभापति शेरबहादुर देउवासहित तीनै दलका उपनेता र प्रमुख सचेतकहरू बैठकमा सहभागि हुनेछन् ।
प्रमुख प्रतिपक्ष दल नेकपा एमालेले सुन तस्करी प्रकरणमा उच्चस्तरीय संसदीय छानबिन समिति बनाउनुपर्ने माग राख्दै बैठक अवरुद्ध गर्दै आएको छ ।
