• ९ असार २०८१, आईतवार
  •      Sun Jun 23 2024
  •   Unicode
Logo
Latest
★   नेपाल–चीनबीचको सम्बन्ध नयाँ उचाइमा पुगेको छ: उपाध्यक्ष घिमिरे ★   लैंगिक समानता घरबाटै सुरु गरौ, लैंगिक हिंसा अन्त्य गरौ ★   ‘मिस ग्राण्ड नेपाल-२०२४’को आवेदन खुला ★   गाग्रीमा पानी ओसार्ने समस्या समाधान हुन्छः खानेपानीमन्त्री राई ★   शहरी विकास मन्त्रालयको बजेट असन्तुलित रहेको भन्ने भनाईमा सत्यता छैनः मन्त्री बुढा ★   वैदेशिक रोजगारीमा जाने ९६ प्रतिशत नागरिक ठगिएका छन्, टुलुटुलु हेरेर बस्न सक्दिनँः मन्त्री अर्याल ★   दक्षिणी मेक्सिकोमा एक हप्ताभित्र दुई नगर प्रमुखको हत्या ★   टी–२० विश्वकपको इतिहासमा पहिलो खेल खेलेका वेस्ट इन्डिज र दक्षिण अफ्रिका भिड्दै ★   जिबी राईलाई पक्राउ गर्ने नियत गृहमन्त्रीको छैन: प्रकाशशरण महत ★   प्रधानमन्त्री बलियो हुनुहुन्छ, उहाँकै कमाण्डमा देश अघि बढ्छ: महेश बर्तौला

जब दुबईबाट इराक जान लागेको विमानबाट भालु निस्कियो…



एजेन्सी । दुबईबाट इराक जान लागेको एक एयरलाइन्सको कार्गोबाट एउटा भालु निस्किएको छ । दुबई एयरपोर्टबाट प्रस्थान गर्नु अघि इराकी विमानबाट भालु निस्किएपछि विमानस्थलमा खैलाबैला मच्चिएको छ । यो घटनाले उडान ढिलो मात्र होइन, सामाजिक सञ्जालमा प्रतिक्रियाको लहर पनि पैदा गरेको छ।

इराकका प्रधानमन्त्रीले यस घटनाको छानविन गर्न आदेश दिएका छन् । यस्तै, इराकी एयरवेजले यसमा आफ्नो केही गल्ती नभएको बताएको छ । एयरलाइन्सले भालु बगदादबाट दुबई ल्याइएको र यसको चालक दलले संयुक्त अरब इमिरेट्स (युएई)का अधिकारीहरूसँग सहकार्य गरेको बताएको छ ।

सामाजिक सञ्जालमा भाइरल भएको भिडियोमा विमानका क्याप्टेनले उडान ढिला भएकोमा यात्रुसँग माफी मागेको देख्न सकिन्छ । ढिलाइ हुनुको कारण कार्गो होल्डमा रहेको आफ्नो क्रेटबाट भालु भागेको बताइएको छ । भालुलाई विमानबाट निकाल्दा सबै यात्रीलाई ओरालियो । घटनामा कुनै यात्रीलाई चोट पुगेन ।

इराकी एयरवेजले भालु ढुवानी गर्दा अन्तर्राष्ट्रिय एयर ट्रान्सपोर्ट एसोसिएसनद्वारा अनुमोदित प्रोटोकलहरू र कानुनी मापदण्डहरू पुरा गरेको बताएको छ।

अन्तर्राष्ट्रिय यात्राका लागि विश्वकै व्यस्त विमानस्थलको रूपमा चिनिने दुबई अन्तर्राष्ट्रिय विमानस्थलले घटनाबारे टिप्पणी गर्न अस्वीकार गरेको छ ।

इराकमा धनाढ्यबीच भालु पाल्ने प्रचलन लगातार बढ्दो छ । उनीहरु शिकारी जनावरहरुलाई घरपालुवा जनावरको रूपमा राख्न रुचाउछन् । यसैबिच इराकी अधिकारीहरूले जंगली जनावरहरूको संरक्षण गर्ने उद्देश्यले नियमहरू लागू गर्न चुनौतीहरूको सामना गरिरहेका छन् ।

त्यस्ता जीवहरूलाई शहरको सडकमा घुम्न वा रेस्टुरेन्टहरूमा विदेशी खानाको रूपमा प्रयोग गर्नबाट रोक्नको लागि बग्दादको प्रहरीले नागरिकहरूलाई त्यस्ता जनावरहरूको रिपोर्ट गर्न आग्रह गरेको छ।