काठमाडौँ । इन्टर ह्वील बोर्ड क्लब राजधानीको १५औँ चार्टर डे सेलिब्रेसन कार्यक्रम बिभिन्न कार्यक्रम गरी मनाइएको छ ।
विगत १५ वर्षदेखि सामाजिक क्षेत्रमा काम गर्दै आएको उक्त क्लबका अध्यक्ष निलसोभा श्रेष्ठले शनिबार १५ औँ चार्टर डे सेलिब्रेसन कार्यक्रम उद्घाटन गर्नुभयो ।
उद्घाटनका क्रममा बोल्नुहुँदै अध्यक्ष श्रेष्ठले इन्टर ह्बिल बोर्ड क्लब राजधानीले सामाजिक क्षेत्रमा काम गर्दै आएको र आगामि दिनमा पनि सामाजिक क्षेत्रको आफ्नो यात्रा निरन्तरता रहने जानकारी दिनुभयो ।
यसैबिच उक्त क्लबमा आवद्ध रही विभिन्न सामाजिक क्षेत्रमा काम गर्दै आएका क्लबका सदस्यहरुलाई समेत सम्मान गरिएको थियो । कार्यक्रमको सञ्चालन प्रा.डा सावित्री कक्षपतिले गर्नुभएको थियो । त्यस अवसरमा उहाँले समाजसेवाका क्षेत्रमा सो क्लवले गरिरहेका कामहरूका बारेमा जानकारी गराउनुभएको थियो ।
