काठमाडौँ। नेकपा (माओवादी केन्द्र) का अध्यक्ष पुष्पकमल दाहाल प्रचण्डले तीन महिने अभियानका क्रममा आफैं वडासम्म जाने बताउनुभएको छ ।
आइतबार पार्टी केन्द्रीय समिति बैठकलाई सम्बोधन गर्दै उहाँले अब चलाइने तीन महिने अभियानमा सबै कार्यक्षेत्रमा जानुपर्ने बताउनुभयो । “गत २ महिना अभियान पठाइदिउँ न त भन्ने तरिकाले परिणामको आशा गरेर होइन”, उहाँले भन्नुभयो, “अब ३ महिना त्यस्तो होइन । म आफैँ ७ प्रदेशको ७ वटा वडामा जान्छु, सबैजाने हो ।”
अध्यक्ष प्रचण्डका अनुसार ६ हजार ७४३ वटै वडामा कमिटी बनाउने र नेताहरुको कार्यक्षेत्र हेरफेर गरिने छ ।
