इटहरी । इटहरी उपमहानगरपालिकाले सामाजिक सञ्जालहरूमा आकर्षक तलब सुविधा देखाएर प्रलोभनमा पार्ने एकेएम ग्रुपमा छापा मारेको छ ।
पूर्वी पहाडी जिल्लाहरूबाट पढ्न आएका युवा युवतीहरूलाई लक्षित गरेर विज्ञापन गरेको भन्दै उपमहानगरका मेयर हेमकर्ण पौडेलसहितको टोलीले उक्त ग्रुपमा छापा मारेको हो ।
उनीहरुले सामाजिक सन्जाल फेसबुकमा सहजै मासिक ५० देखि ६० हजार कमाई हुने भन्दै विज्ञापन गरेका थिए । कर्मचारीहरूलाई ६० हजार सम्म तलब भन्दै विज्ञापन छ्यापछ्याप्ती देखिन थाले पछि छापा मारिएको मेयर पौडेलले बताए ।
उनीहरुले मार्केटिङको काम गर्ने र ग्रुपको सामान बेच्नका लागि सर्वसाधरणहरुलाई झुटो विज्ञापन गरेको पाइएको छ। उपमहानगरले उनीहरुलाई पालिकामा उपस्थित हुन निर्देशन दिएको छ ।
इटहरीमा ठगीका घट्नाको विषयमा आफूहरू चलाखी पूर्ण रूपमा काम गरिरहेको इलाका प्रहरी कार्यालय इटहरीका डिएसपी माधव काफ्लेले बताए । उनले आगामी दिनमा सामाजिक सञ्जालमा सर्वसाधारणलाई झुक्क्याउने, चलाखी पूर्ण रूपमा ठगी गरेको पाइएमा हदैसम्मको कारबाहि गर्ने बताए ।
