काठमाडौँ । काठमाडौंको तारकेश्वरमा पहिरोले घर पुरिँदा दुई जनाको मृत्यु भएको छ ।
शनिबार राति ९ बजे गएको पहिरोले तारकेश्वर नगरपालिका-५ चो गाउँस्थित चन्द्र तामाङको घर पुरिँदा भाडामा बस्दै आएका बाबु-छोरीको मृत्यु भएको हो ।
मृत्यु हुनेमा नुवाकोटको सामरी घर भई भाडामा बस्दै आएका बाबु ४१ वर्षीय गणेश तामाङ र उनकी १५ वर्षीय छोरी आश्मा तामाङ रहेका काठमाडौं जिल्ला प्रहरी परिसरका प्रवक्ता एसपी कुमोध ढुंगेलले जानकारी दिए। गणेशकी श्रीमती सञ्जु तामाङ भने घरबाहिर रहेका कारण जोगिएकी छन्।
मृतक बाबु-छोरीको शव पोस्टमर्टमका लागि त्रिवि शिक्षण अस्पतालमा लगिएको छ।
