एजेन्सी। मणिपुरमा फेरि हिंसा सुरु भएको छ । आज बिहान मणिपुरको विष्णुपुर जिल्लामा भएको ताजा हिंसामा बाबु-छोरासहित तीन जना गाउँलेको हत्या गरिएको मिडिया स्रोतले जनाएको छ। मृत्यु हुने तीनै जना मेइती समुदायका थिए ।
संदिग्ध आतंककारीहरूले बिहान २ बजे विष्णुपुरको क्वाक्टा नजिकै उखा टम्पक गाउँमा आक्रमण गरे र अन्धाधुन्ध गोली चलाएका प्रहरीले जनाएको छ ।
प्रहरीको अनुसार आक्रमणकारीहरूले सुतिरहेको अवस्थामा तीनै जनाको गोली हानी पछि तरवारले काटेर विभत्स तरिकाले हत्या गरेका थिए । आक्रमणकारीहरु शनिबार बिहानै चुराचन्दपुरबाट आएको बताईएको छ ।
मणिपुरमा मेइती समुदाय र आदिवासी कुकी समुदायबीच तनावको वातावरण छ । यस वर्षको मे महिनाबाट सुरु भएको हिंसामा १८० भन्दा बढी व्यक्तिको मृत्यु भइसकेको छ भने हजारौं मानिस आफ्नो घर छाड्न बाध्य भएका छन् ।
