काठमाडौँ । ‘काउली’ को सफलतापछि हास्य कलाकार हरिवंश आचार्यले बजारमा फेरी नयाँ गीत ल्याएका छन् । उनले आफ्नै शब्द, स्वर र संगीतमा ‘ए केटा मादलु पड्का’ बोलको गीत ल्याएका हुन् । गायनमा पनि ‘काउली’ कै गायीका शान्तिश्री परियारले साथ दिएकी छन् ।
गीतले गायन र नृत्यमा लागेका मान्छेहरूको भाव बोकेको हरिवंश बताउँछन् । उनी भन्छन्, ‘यो सन्देशमुलक गीत होइन । यो विशुद्ध मान्छेलाई नाच्न मन लाग्ने गीत हो । यसमा नाच्ने गाउँने मान्छेले आफ्नो पेशाप्रति गर्व गरेको शब्द छ । गीत फास्ट ट्रयाकमा भएकाले सांस्कृतिक कार्यक्रम, बिहे ब्रतबन्ध लगायत समारोहतिर बज्छ भन्ने लागेको छ ।’
नवराज उप्रेतीले छायांकन र भुपेन्द्र अधिकारीले सम्पादन गरेका यस गीतमा ‘काउली’कै कलाकार दोहोरिएका छन् । गीतमा हरिवंशसँगै अभिनेत्री प्रियंका कार्की र सरोज ओलीले अभिनय गरेका छन् ।
यस्तै, गीतको भिडिओलाई गम्भिर विष्टले निर्देशन गरेका छन् ।
