काठमाडौँ । सहकारी पीडितहरुले बिहीबार काठमाडौँमा प्रर्दशन गरेका छन् । विभिन्न सहकारीमा पैसा बचत गरेका सर्वसाधारणले प्रदर्शन गरेका हुन् ।
सहकारी संस्थाहरुमा आफूले बचत गरेको रकम फिर्ता पाउनुपर्ने माग राख्दै उनीहरुले माइतीघरदेखि नयाँ बानेश्वरसम्म प्रदर्शन गरेका हु्न् ।
प्रहरीले बचतकर्ताको प्रदर्शनमा बिजुलीबजारमा हस्तक्षेप गर्दा प्रहरीसँग प्रदर्शनकारीहरुको केही बेर धकेलाधकेल समेत भएको थियो । प्रहरीले एभरेस्ट होटल अगाडिको सडकमा बार लगाएर निषेधित क्षेत्रमा प्रदर्शन गर्न रोकेको छ ।
प्रदर्शनकारीहरुले आफ्नो बचत रकम ब्याजसहित फिर्ता पाउनुपर्ने, सहकारी पीडितलाई राज्य कोषबाट रकम फिर्ता गर्नुपर्नेलगायतका माग राखेका छन् ।
