• २८ जेष्ठ २०८१, सोमबार
  •      Mon Jun 10 2024
  •   Unicode
Logo
Latest
★   वायु सेवा निगमकी वरिष्ठ क्याप्टेन भावना पन्तको निलम्बन फुकुवा ★   युवतीको अश्लिल भिडियो बनाएको आरोपमा दुई पक्राउ ★   कर्माचार्य ग्रुपद्वारा उत्पादित ‘क्रन्च’ ब्राण्डको वेफर बजारमा ★   त्रिभुवन अन्तर्राष्ट्रिय विमानस्थलमा सङ्कटकालीन अभ्यास ★   राजदुतलाई फिर्ता बोलाउँदा आवश्यक ध्यान पुगेन: प्रधानमन्त्री ★   वर्तमान सत्ता गठबन्धन पूरा कार्यकाल जान्छः प्रधानमन्त्री ★   ५१ सालमा नेपाली काङ्ग्रेसले गरेको सांसद किनबेचको दोस्रो रूप देखियो: खगराज अधिकारी ★   अस्पतालमा अनियमितता गर्नेहरु केही दिनभित्रै कारबाहीमा पर्छन्ः मन्त्री यादव ★   ‘एसइईको नतिजा असार दोस्रो साताभित्र सार्वजनिक गर्नेगरी काम भइरहेको छ’ ★   सरकारले मुलुकमा सुशासन दिन सकेको छैनः शेखर कोईराला

साउन २१ देखि २४ सम्म कोरोनाबिरुद्धको खोप अभियानका रुपमा चलाउँदै कामपा



काठमाडौँ । काठमाडौं महानगरपालिकाले साउन २१ देखि २४ गतेसम्म कोभिड–१९ बिरुद्ध खोप अभियान चलाउने भएको छ ।

कोरोनाबिरुद्ध खोप लगाउन छुटेका र बुस्टर डोज नलगाएकालाई लक्षित गर्दै काठमाडौं महानगरले साउन २१ देखि २४ गतेसम्म खोप अभियान चलाउने भएको हो । १२ वर्ष माथिका सम्पूर्ण नागरिकलाई खोप लगाइनेछ । महानगरपालिकाका अनुसार वडा नम्बर ६, ११, १२, १४, १५,१७, १९, ३१ र ३२ नम्बर वडाभित्र खोप लगाइनेछ । यसअघि कोरोनाबिरुद्धको खोप लगाउन छुटेका र बुस्टर डोज नलगाएका काठमाडौंमा बसोवास गर्ने सबैखाले नागरिकले खोप लगाउन सक्नेछन् ।

जसअन्तर्गत वडा नम्बर ११ को त्रिपुरेश्वरस्थित विश्वनिकेतन विद्यालय, वडा नम्बर १७ को वडा कार्यालय, वडा नम्बर ३१ को शहरी स्वास्थ्य क्लिनिक भीमसेनगोला, वडा नम्बर १४ को शहरी स्वास्थ्य प्रवद्र्धन केन्द्र कुलेश्वर, वडा नम्बर ६ को वडा कार्यालय, वडा नम्बर १२ को कुमुदिनी मावि टेकु, वडा नम्बर ३२ को वडा कार्यालय र वडा नम्बर १५ को सामुदायिक स्वास्थ्य सेवा स्वयम्भूमा खोप अभियान सञ्चालन गरिनेछ । बुधवार स्वास्थ्य सेवा विभागमा भएको कोभिड–१९ बिरुद्ध खोप सम्बन्धी कार्ययोजना गोष्ठीमा स्वास्थ्य सेवा विभाग बाल स्वास्थ्य तथा खोप शाखा प्रमुख डा.अभियान गौतमले अहिलेसम्म दोस्रो मात्रा ८८ प्रतिशतले लगाइसकेको जानकारी दिनुभयो । उहाँले बुस्टर डोजको पहिलो मात्रा ४३ प्रतिशत र चौथो मात्रा ६ प्रतिशतले लगाएको बताउनु भयो । उहाँले खोप प्रवद्र्धनका लागि अन्य कार्ययोजना बनाएर अघि बढेको पनि बताउनु भयो ।

डा.गौतमले भन्नुभयो, ‘घरबाट ननिक्लेर पनि बस्यौं । पछि खोप आइसकेपछि सजिलै लगाउँदै गइसकेपछि अहिले त्यो अवस्थाबाट युटर्न भएका छौं । हामी पुरानै तरीकाले जीवनयापन गरिरहेका छौं । अहिले जतिपनि खोप पाउने अवस्था छ । तर, माग घट्दो छ । हामीले कोरोना परीक्षण पनि गर्न छोड्यौं । जस कारण कोभिड–१९ बढ्यो की घट्यो थाहा हुँदैन । अहिलेपनि काठमाडौं उपत्यकासहित अन्य स्थानमा खोप लगाउन छुट्नुभएको छ । पहिलो मात्रा र दोस्रो मात्रा अधिकांसले लगाइसक्नुभएको छ । दोस्रो मात्रा ८८ प्रतिशतले लगाइसक्नुभएको छ ।

बुस्टर डोजको पहिलो मात्रा ४३ प्रतिशतले लगाउनुभएको छ । चौथो मात्रा ६ प्रतिशतले मात्रै लिनुभएको छ । एक पटक खोप लियो र अब लिनुपर्दैन भन्ने होइन । कोभिड–१९ लाई एउटा डोज लगाएर, दुई वटा डोज लगाएर मात्रै पुग्दैन । यसमा बुस्टर डोजपनि चाहिन्छ भनेर चार मात्रा सम्मको बुस्टर डोज लगाउनुपर्ने प्रावधान सरकारले ल्याएको छ । माग भयो भने अन्य खोप पनि लिएर आउँछौँ । खोप प्रमोट गर्नका लागि केही कार्ययोजना पनि लिएर आएका छौं ।’

गोष्ठीमा कोभिड १९ बिरुद्ध प्रयोग भइरहेका खोपहरुबारे जानकारी गराइएको थियो । यस्तै, कोभिड १९ खोप योजना प्रश्तुत गरिएको थियो ।