काठमाडौं । बिहिबार हुन गइरहेको वागमती प्रदेशतर्फको रिक्त राष्ट्रियसभाको उपनिर्वाचनमा नेकपा एमालेका नेता माधवकुमार नेपालले सूर्य चिन्हधारी एमाले उम्मेदवार रामबहादुर थापा बादललाई सघाउने वचन नदिएको नेपालको सचिवालयले प्रष्ट पारेको छ ।
माधव नेपालका स्वकीय सचिव मोहन गौतमले मंगलबार साँझ विज्ञप्ती जारी गर्दै मतदातालाई स्वविवेक प्रयोग गर्न दिने कुरामा सहमति भए पनि बादललाई समर्थन नजनाएको उल्लेख गरेका छन् ।
नेता नेपालले अन्य दल समेतलाई सहमत गराएर आफूले डा.खिमलाल देवकोटालाई आफ्नै पहलमा उम्मेदवार बनाएकाले अहिले अन्यथा गर्न नसक्ने विज्ञप्तीमा प्रष्ट्याइएको छ ।
