• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   नेपाली काँग्रेस संसदीय दलको बैठक जारी ★   प्याट कमिन्सअघि यी ६ बलरले टी–२० विश्वकपमा ह्याट्रिक लिएका थिए ★   सिमेन्ट उद्योगलाई उद्योगस्थलकै तौल पुल प्रयोग गरी उत्खनित खनिजको परिणाम मापनका लागि ६ महिना म्याद… ★   रास्वपाको चियापान कार्यक्रममा शीर्ष नेताहरु– तस्बिरहरु ★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट ★   वातावरण व्यवस्थापनमा तीन प्रतिशत बजेट विनियोजन गर्दै चन्द्रागिरि नगरपालिका ★   पृथ्वीराजमार्गको थर्पु–खैरेनीटार खण्ड एकतर्फी सञ्चालनमा ★   योगलाई धर्म र जातमा सिमित गर्नु हुँदैनः अध्यक्ष ओली ★   जब पृथ्वीमा १०–२० लाख वर्षसम्म लगातार पानी परिरहन्थ्यो

फिट रहन जिम जानुपर्छ भन्ने छैन, घरेलु काम गर्नुस्



एजन्सी । बजारमा किनमेल गर्न गए भारी झोला बोक्नुपर्ने हुन्छ । द्रुत गतिमा सिँढी चढ्नु र लुगा धुने जस्ता काम गर्दा हामीलाई प्राय: सास फेर्न गाह्रो हुन्छ । यदि त्यसो हो भने, यो तपाईंको लागि राम्रो कुरा हुन सक्छ । यस्तो गतिविधिले क्यान्सरको जोखिम कम गर्न प्रभावकारी हुने एक अध्ययनले देखाएको छ ।

द कन्भर्सेसन जर्नलमा प्रकाशित एक अध्ययनले दैनिक चारदेखि पाँच मिनेटसम्म गर्ने यी गतिविधिले क्यान्सरको जोखिम २०५ देखि २१५ सम्म घटाउने दाबी गरेको छ । अध्ययनले प्रत्येक दिन कम्तिमा साढे तीन मिनेटसम्म कडा परिश्रम गर्नाले क्यान्सरको जोखिम १७–१८ प्रतिशतले घटेको पाइएको छ ।

फोक्सो र स्तन क्यान्सरको अवस्थामा, जोखिम ३० देखि ३२ प्रतिशतसम्म कम हुने अनुमान गरिएको छ । २२ हजार मानिसमा यो अध्ययन गरिएको थियो । यसका लागि अन्वेषकहरूले बेलायतको स्वास्थ्य डाटाबेसबाट प्राप्त डाटाको विश्लेषण गरेका छन् ।

यसमा २ हजारभन्दा बढी यस्ता व्यक्तिलाई समावेश गरिएको थियो, जसलाई यसअघि कहिल्यै क्यान्सर भएको थिएन, न त कुनै शारीरिक क्रियाकलापमा संलग्न थिए । यसमा ५५ प्रतिशत महिलाहरू समावेश थिए जसको औसत उमेर ६२ वर्ष थियो । अध्ययनबाट यो पनि थाहा भयो कि कुल संख्याको ९६ प्रतिशत मानिस यस्ता थिए, जसले साढे दुई मिनेट मात्रै यस्तो काम गर्ने गरेका थिए । ९२ प्रतिशतले यी गतिविधिहरूमा दुई मिनेट भन्दा कम खर्च गरे ।

अध्ययनका सह–लेखक इमानुएल स्टामाटाकिसले भने कि यी गतिविधिहरू जिम जान वा व्यायाम गर्न मन नपर्ने मानिसहरूका लागि सबैभन्दा लाभदायक छन् । लिन्डा एस भन्छिन्, शारीरिक गतिविधि व्यायाम नगर्नु भन्दा राम्रो छ । लिन्डस्ट्रोमले भने कि अधिकांश मानिसहरू नियमित व्यायामबाट लाभ उठाउँछन् ।

यस अध्ययनले देखाउँछ कि कुनै पनि शारीरिक गतिविधि व्यायाम नगर्नु भन्दा राम्रो छ । यसको मतलब घरको काम वा कहिलेकाहीं बच्चाहरूसँग खेल्ने नियमित व्यायामको फाइदाहरू प्रतिस्थापन गर्न सक्दैन । द कन्भर्सेसनका लेखकहरूका अनुसार दैनिक १५० देखि ३०० मिनेटको शारीरिक व्यायामको तुलनामा साढे चार मिनेटको गतिविधि निकै कम हुन्छ ।