• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   दीपेन्द्रसिंह ऐरीलाई यूएईको आईएल टी–२० लिग खेल्न गल्फ जायन्ट्सले गर्यो रिटेन ★   टी–२० विश्वकपको सुपर ८ मा दुई आयोजक भिड्दै, दुबैलाई जित्नैपर्ने दबाब ★   रूसी नेता पुटिन थप शक्तिशाली कि कमजोर ? ★   सिमेन्ट उद्योगका जटिलता हटाउन सकारात्मक छौँ: उद्योगमन्त्री भण्डारी ★   नेपाली काँग्रेस संसदीय दलको बैठक जारी ★   प्याट कमिन्सअघि यी ६ बलरले टी–२० विश्वकपमा ह्याट्रिक लिएका थिए ★   सिमेन्ट उद्योगलाई उद्योगस्थलकै तौल पुल प्रयोग गरी उत्खनित खनिजको परिणाम मापनका लागि ६ महिना म्याद… ★   रास्वपाको चियापान कार्यक्रममा शीर्ष नेताहरु– तस्बिरहरु ★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट

चिरञ्जीवीले ‘भोला शंकर’का लागि एक रुपैयाँ पनि लिएनन् !



एजेन्सी । टलिउडमा मेगास्टार भनेर चिनिएका चिरञ्जीवी आजकल आफ्नो आगामी फिल्म भोला शंकरका लागि चर्चामा छन् । यो मास इन्टरटेनर फिल्ममा उनी फेरि एकपटक उत्कृष्ट एक्सन गर्दै देखिनेछन् । यसैबीच, फिल्मको बारेमा ठूलो जानकारी बाहिर आएको छ ।

जानकारीका अनुसार अभिनेताले यो फिल्मका लागि पारिश्रमिक एक रुपैयाँ पनि नलिने बताइएको छ । पर्दामा आफ्नो दमदार उपस्थिति र लार्जर द लाइफ प्रदर्शनका लागि चिनिएका चिरञ्जीवी हरेक फिल्मका लागि आफ्नो पारिश्रमिकका कारण चर्चामा रहे पनि यस फिल्मका लागि उनले शुल्क नलिने निर्णय गरेका छन् ।

रिपोर्टका अनुसार यदि फिल्म बक्स अफिसमा सफल साबित भयो भने चिरञ्जीवीले निश्चित पारिश्रमिकको सट्टा फिल्मको मुनाफामा हिस्सा लिनेछन् । चिरञ्जीवीको हालै आएका फिल्म ‘गडफादर’ र ‘वाल्टेयर वीरैया’ पछि यो निर्णय गरिएको हो । ‘भोला शंकर’लाई लिएर निकै चर्चा चलेको छ । यसका थिएटर अधिकारहरू महँगो मूल्यमा बेचिएको बताइएको छ ।

निर्माताहरूले फिल्मको डिजिटल अधिकार ओटीटी प्लेटफर्महरूमा बेच्न नदिने निर्णय पनि गरेका छन्, जसले ‘भोला शंकर’ सिनेमाघरहरूमा ठूलो दर्शकलाई आकर्षित गर्ने क्षमता छ भन्ने विश्वासलाई अझ बलियो बनाउँछ ।

मेहर रमेश द्वारा निर्देशित, ‘भोला शंकर’ तमिल सुपरहिट ‘वेदालम’को रिमेक हो । यद्यपि, निर्देशकले चिरञ्जीवीको छवि र शैली अनुरूप महत्त्वपूर्ण परिवर्तनहरू गरेका छन् । हालै यसको ट्रेलर सार्वजनिक भएको छ, जसलाई दर्शकले निकै रुचाएका छन् । यस ट्रेलरमा सुपरस्टारले निकै एक्सन गरेको देखिएको छ । यो हेरेपछि दर्शकमा फिल्मलाई लिएर उत्सुकता बढेको छ । फिल्ममा चिरञ्जीवीसँगै तमन्ना भाटिया, कीर्ति सुरेश र सुशान्त पनि महत्वपूर्ण भूमिकामा छन् ।