काठमाडौं। सत्तारुढ दल नेपाल कम्युनिष्ट पार्टी (एमाले) को स्थायी कमिटी बैठक प्रधानमन्त्रीको सरकारी निबास बालुवाटारमा शुरुभएको छ ।
आजको बैठकमा राष्ट्रियसभा निर्वाचनमा पार्टीका आधिकारिक उम्मेदवार तथा स्थायी कमिटी सदस्य रामवहादुर थापा बादललाई माधवनेपाल –झलनाथ खनालले असहयोग गरेको अवस्था पार्टी भित्रको अन्तरसर्घष हल गर्न गठन गरिएको कार्यदलले गरेका कामका बारेमा रिपोर्टिङ गर्ने र त्यस बारे छलफल हुने एक नेताले जानकारी दिनुभयो ।
यसै बीच आजै अपरान्ह ५ बजेका लागि कार्यदलको बैठक तय गरिएको छ । उता प्रधानमन्त्री ओलीले बजेटअघि नै प्रतिनिधिसभाबाट विश्वासको मत लिने तयारी गर्नुभएको र त्यस बारेमा पनि छलफल हुने ती नेताले जानकारी दिनुभयो ।
