काठमाडौँ । ललिता निवास जग्गा प्रकरणमा पक्राउ परेकाहरु सबैको बयान सकिएको छ ।
सरकारी जग्गा हिनामिना गरेको आरोपमा पक्राउ गरिएका अधिकांशको बयान सकिएको केन्द्रीय अनुसन्धान ब्युरोका एसएसपी दिनेश आचार्यले बताए । ‘सबैभन्दा पछि पक्राउ गरिएका दुईजना बाहेक अरुको बयान सकिएको छ’, उनले भने ।
पछिल्लो पटक साउन ८ मा कुपण्डोलबाट नक्कली मोही सञ्जय महर्जन र सकुलानन्द महर्जन पक्राउ परेका थिए । उनीहरुबाहेक बाँकि सबैको बयान सकिएको हो ।
सिआईबीले असार १२ मा भाटभटेनी सुपर मार्केटका सञ्चालक मिनबहादुर गुरुङसहित चार जनालाई पक्राउ गरेको थियो ।तीमध्ये सञ्चार मन्त्रालयका सचिव कृष्णबहादुर राउत भने सर्वोच्चको आदेशसँगै छुटिसकेका छन्।
प्रहरीले जग्गा हिनामिनामा संलग्न ४०६ जनाविरुद्ध अदालतबाट पक्राउन गर्न अनुमति लिएको छ । उनीहरुले झुटा मोही खडा गरेर भू–माफियासँगको मिलेमतोमा सरकारको १४७ रोपनी जग्गा हिनामिना गरेको सिआईबीको अनुसन्धान निष्कर्ष छ ।
यस प्रकरणमा हालसम्म २२ जना प्रकाउ परेका छन् ।
