काठमाडौं ।केन्द्रीय कमिटी बैठकका लागि नेकपा (माओवादी केन्द्र)ले एजेन्डा तय गरिरहेको छ ।
पेरिसडाँडामा बसेको पदाधिकारी बैठकले आगामी साउन १७ गते बस्ने केन्द्रीय कमिटी बैठकको तयारीबारे छलफल भएको प्रवक्ता कृष्णबहादुर महराले जानकारी दिए ।
‘१७ बाट केन्द्रीय कमिटी बैठक बस्दै छ । अध्यक्ष ज्यूले नै आफू केही दिन बाहिर हुने र बैठकका प्रारम्भिक एजेन्डा तयार गर्नका लागि बैठक बस्नुहोला भनेकाले बसेको हो । केन्द्रीय कमिटी बैठक कसरी प्रभावकारी बनाउने भन्ने विषयमा छलफल भयो। सबैले आ-आफ्ना कुरा राखे’, महराले भने । पार्टीका शीर्ष नेताहरू पुनः ४ बजे छलफलमा जुट्ने गरी बैठक सकिएको उनले जनाए ।
माओवादीले केन्द्रीय कमिटी बैठक साउन १७ गतेदेखि तीन दिनसम्म प्रज्ञा भवनमा बस्ने तयारी गरेको छ ।
