काठमाडौं । नेपाली कांग्रेसका सभापति निवासमा बस्ने सर्वदलीय छलफलमा नेकपा एमालेका नेता माधवकुमार नेपाललाई पनि बोलाइएको छ। शेरबहादुर देउवाको निवास बुढानिलकण्ठमा बस्ने सर्वदलीय छलफलमा नेता नेपाललाई पनि बोलाइएको हो ।
शुक्रबार बिहान बसेको कांग्रेस पदाधिकारी बैठकले राष्ट्रपति, प्रधानमन्त्रीका कदम संविधानविपरीत भएको भन्दै नेकपा माओवादी केन्द्रका अध्यक्ष पुष्पकमल दाहाल प्रचण्ड, जसपाका अध्यक्ष उपेन्द्र यादव, एमाले नेता माधव नेपाललगायतलाई खबर गरिएको कांग्रेसका एक पदाधिकारीले बताए।
यस्तै कांग्रेस वरिष्ठ नेता रामचन्द्र पौडेलले राष्ट्रपति र प्रधानमन्त्रीले चालेकोले कदम अरू दलहरूसँग पनि छलफल गरेर आवश्यक रणनीति तय गर्नुपरेको हो।
