काठमाडौ । नेपाली कांग्रेसले राष्ट्रपतिको असंवैधानिक कदमलाई परास्त गर्न अगाडि बढ्ने निष्कर्ष निकालेको छ । सभापति शेर बहादुर देउवा निवास बुढानिलकण्ठमा शुक्रबार बिहान बसेको पदाधिकारी बैठकले पछिल्लो पटक पनि प्रधानमन्त्री र राष्ट्रपति मिलेर नेपालको संविधानमाथि घोर जालसाझी गर्ने काम भएको निष्कर्ष निकाल्दै त्यस विरुद्ध एकजुट भएर प्रतिकार गर्ने निर्णय गरेको हो ।
बैठकले संविधान र लोकतन्त्र रक्षाका लागि अन्य दलहरुसंग छलफल गरेर अघि बढ्ने निर्णय गरेको छ । बैठकपछि संञ्चारकर्मीलाई संक्षिप्त प्रतिक्रिया दिदै वरिष्ठ नेता रामचन्द्र पौडेलले प्रधानमन्त्री र राष्ट्रपतिबाट संविधानमाथि जालसाझी गर्ने काम भएको निष्कर्षका साथ त्यस विरुद्ध एकजुट हुने निर्णय भएको बताउनुभयो ।
उहाँले भन्नुभयो “ प्रधानमन्त्री र राष्ट्रपति मिलेर नेपालको संविधानमाथि घोर जालसाझी गर्ने काम भएको छ । नेपाली कांग्रेसले यसको विरोध गर्छ । प्रधानमन्त्रीले राजीनामा गरेको छैन , प्रधानमन्त्री अपदस्त भएको छैन । प्रधानमन्त्री हुँदा हुदै अर्को प्रधानमन्त्रीको लागि थोरै समय दिएर अर्कौ प्रधानमन्त्रीको लागि आव्हान गरेको थियो भन्ने पार्नलाई संविधानमाथि जुन जालसाझी भईरहेको छ, नेपाली कांग्रेस यसको विरुद्धमा एकमत भएर उभिन्छ । हामी संविधान बचाउनका लागि सबै पार्टीसंग कुरा भईरहेको छ । कुरा गरेर ठोस कदम चाल्छौ ।”
त्यसैगरी सहमहामन्त्री प्रकाशशरण महतले पटक पटक संविधानको मर्म र भावनालाई कुल्चिने काम सरकारबाट भएको र पछिल्लो घटनाक्रम पनि त्यसकै निरन्तरता भएको भन्दै त्यस विरुद्ध लड्नका लागि दलहरुसंग सबै विकल्पबारे छलफल गर्ने निर्णय बैठकमा भएको बताउनुभयो । उहाँले भन्नुभयो “संविधानको ७६, ५ अनुसार सरकार बनाउन जुन आव्हान गरिएको छ ।
संविधानको मर्म र भावनालाई फेरि पनि वेवास्ता गरेको हाम्रो ठहर छ । ७६, ३ अन्र्तगत बनेको प्रधानमन्त्रीले विश्वासको मत प्राप्त गर्ने विश्वास उहाँलाई नभएपछि उहाँले राजीनामा दिनुपथ्र्यों । राजीनामा दिएपछि ७६, ५ को प्रक्रिया अघि बढाएर यथेष्ट समय दिए राष्ट्रपतिले अर्को सरकार बनाउने प्रक्रियालाई अगाडि बढाउनुपथ्र्यो । र निरन्तर रुपमा संविधानको मर्म र भावनालाई कुल्चिने काम धेरै अगाडि देखि प्रधानमन्त्रीको नेतृत्वमा यो सरकारले गर्दै आएको छ । त्यसमा राष्ट्रपतिले पनि पटक पटक त्यो किसिमको प्रवृति देखाएको स्पष्टै छ । यो हाम्रो निष्कर्ष हो ।
संगसंगै सबै विकल्पमा हामी छलफल गर्छौ । लोकतन्त्रको रक्षाको लागि र ओली सरकारले संविधानको मुल भावना र मर्मलाई एकपछि अर्को गर्दै कमजोर पार्ने कोशिस भईरहेको छ । त्यो प्रवृत्तिलाई हावी हुन नदिनका लागि सबै विकल्पमा छलफल गरेर हामी निषकर्षमा पुग्छौ। ” घोर जालसाझी गरका हामी अन्य दलहरुसंगको छलफबाट कसरी अघि बढ्ने । यसैबीच,कांग्रेसले आव्हान गरेको सर्वदलिय बैठक अहिले केही बेरपछि देउवा निवासमा बस्दैछ । बैठकका लागि अहिले नेकपा माओवादी अध्यक्ष पुष्पकमल दाहाल पनि बुढानिलकण्ठ पुगिसक्नुभएको छ ।
