काठमाडौं । प्रधानमन्त्री केपी शर्मा ओलीले विश्वासको मत नपुगोस् भन्नका लागि दलहरुभित्रै विग्रह सिर्जना भएको बताउनुभएको छ ।
शुक्रबार दिउँसो पत्रकार सम्मेलनमा बोल्दै ओलीले विश्वासको मत नपुगोस् भन्नका लागि दलहरुले मर्यादा, अनुशासन, लोकतान्त्रिक मूल्य मान्यता पनि छोडेर दलभित्रै विग्रह सिर्जना भएको आरोप लगाउनुभएको हो ।
उहाँले प्रश्न गर्नुभयो, "सत्ताइस-सत्ताइस जना मान्छे गुटगत हिसाबले, अनुशासनहिन ढंगले उपस्थित हुने र दलभित्रबाटै विपक्षीसँग मिलेर सरकार ढाल्न खोज्नेलाई लोकतन्त्रमा के भनिन्छ ?"
