काठमाडौं । सिंहदरबारमा नेपाली कांग्रेस, नेकपा माओवादी केन्द्र र जनता समाजवादी पार्टीको उपेन्द्र यादव पक्षबीच छलफल सुरु भएको छ ।
बिहिबार राष्ट्रपति विद्यादेवी भण्डारीले संविधानको धारा ७६ (५) बमोजिमको सरकार गठनका लागि आज साँझ ५ बजेसम्म सरकार गठन गर्न समय दिनुभएसँगै तीन दल कांग्रेस संसदीय दलको कार्यालयमा छलफलमा जुटेका हुन् । नयाँ सरकार गठनका लागि विपक्षीदलहरुबीच फेरि दौडधुप बढेको छ ।
विपक्षी दलहरु राष्ट्रपतिविरुद्ध महाअभियोग र प्रधानमन्त्रीविरुद्ध अविश्वास प्रस्ताव दर्ता गर्ने तयारीमा जुटिरहेका छन् ।
