काठमाडौंः श्रीलंकामा चिरप्रतिद्वन्द्वी भारत र पाकिस्तानबीचको आज सम्पन्न फाइनलमा एसिसी इमर्जिङ एसिया कप क्रिकेटको उपाधि पाकिस्तान ए ले जितेको छ ।
टस हारेर पहिले ब्याटिङको निम्तो पाएको पाकिस्तान ए ले भारत ए विरुद्ध निर्धारित ५० ओभरमा ८ विकेट गुमाएर ३५३ रनको विशाल लक्ष्य दिएको थियो । जवाफमा भारत ए टिम २२४ रनमा अलआउट भएको थियो ।
यो जितसँगै पाकिस्तान लगातार दोस्रो पटक एसिसी इमिर्जिङ कपको च्याम्पियन बनेको हो ।
पाकिस्तान ए का लागि तयब ताहिरले ७१ बलमा धुँवाधार १०८ रन बनाएका थिए । साथै साइम अयुबले ५९, साहिबजादा फरहानले ६५, ओमार युसुफ र मुबासिर खान दुबैले ३५–३५ रन बनाएका थिए ।
जितका लागि विशाल लक्ष्य पछ्याएको भारत ए टिमका लागि अभिशेक शर्माले सर्वाधिक ६१ रन बनाएका थिए । कप्तान यस धुलले ३९ र साई सुदरसनले २९ रन बनाउनु बाहेक अन्य खेलाडीहरु सस्तैमा आउट भएका थिए ।
यस खेलका नायक तयब ताहिरले प्लेयर अफ दी म्याचको पुरस्कार प्राप्त गरेका थिए भने भारतका बलर निशान्त सिन्धुले खेल अवधिभर ११ विकेट लिएको भन्दै प्लेयर अफ दी सिरिज घोषित भए ।
यस प्रतियोगितमा नेपालको टिमले पनि सहभागिता जनाएको थियो । तर नेपाल समूह चरणबाटै बिदा भएको थियो ।
