अछाम । अछाममा दाहसंस्कारको लागि शव र मलामी बोकेका ट्रयाक्टर दुर्घटना हुँदा एकजनाको मृत्यु भएको छ ।
पन्चदेवल नगरपालिका ४ का ६० वर्षीय जहरी कामीको शव लिएर घाटतर्फ जाँदै गर्दा भे १ त ६७५६ नम्बरको ट्याक्टर दुर्घटनामा परी २२ वर्षीय बृख बिकको घटनास्थलमै मृत्यु भएको हो ।
सुदूरपश्चिम प्रदेश ट्राफिक प्रहरी कार्यालय अत्तरियाले दिएको जानकारी अनुसार ट्रयाक्टर दुर्घटनामा परी २३ जना घाइते भएका छन् । जसमध्ये ४ को अवस्था गम्भिर रहेको छ भने १९ जनाको अवस्था सामान्य रहेको छ ।
