एजेन्सी । फिफा महिला विश्वकप अन्तर्गत नेदरल्यान्ड्सले पोर्चुगललाई पराजित गरेको छ । आइतबार न्यूजिल्याण्डको फोर्सिथ वार स्टेडियममा सम्पन्न खेलमा नेदरल्यान्ड्सले पोर्चुगललाई १–० गोलले पराजित गरेको हो ।
नेदरल्यान्ड्सलाई जित दिलाउन एकमात्र निर्णायक गोल स्टेफानी भान डेर ग्राग्टले गरिन् । उनले खेलको १३ औं मिनेटमा गोल गरेकी हुन् । खेलमा नेदरल्यान्ड्सले पोर्चुगलमाथि पूर्ण दबाब राखेपनि थप गोल भने गर्न सकेन ।
जितसँगै समूह ई मा रहेको नेदरल्यान्ड्सले ३ अंक जोडेको छ । यता, पोर्चुगलले भने हारबाट विश्वकपको सुरुवात गरेको छ ।
