काठमाडौँ । नेपाली कांग्रेसका केन्द्रीय सदस्य राजिवविक्रम शाहले आफू गुटको सिकार भएको गुनासो गरेका छन्।
बिहीबारको केन्द्रीय समितिमा धारणा राख्ने क्रममा उनले पार्टी पदाधिकारीहरू नै गुट बनाउने गरेको र त्यसको प्रत्यक्ष सिकार जनता र कार्यकर्ता सँगसँगै आफूसमेत भएको गुनासो पोखे।
‘पदाधिकारी नै गुट बनाउँछन्, यसको सिकार हामीजस्ता परिरहेका छौं। सभापतिज्यू, म प्रत्यक्ष सिकार भएँ । घरभित्र देखिएका विवाद त्यहीँ मिलाउन हामी सफल भयौं। जाजरकोटमा जस्तै अन्यत्र पनि यस्तै भइरहेको भए गुटको सिकास हुनुपर्थ्यो?,’ उनले थपे, ‘हामीले कस्तो लोकतान्त्रिक चरित्र देखाएका छौं? संसदीय दल नेता लड्छु भन्दा मैले नेताहरूबाट कस्तो व्यवहार पाएँ? कहिलेसम्म गुटको सिकार हुने? जिम्मेवार नेताको व्यवहार हामीले कहिलेसम्म सहने?’ ।
