एजेन्सी । मैत्रीपूर्ण फुटबल खेलमा इंग्लिस क्लब आर्सनलले सहज जित निकालेको छ । नेपाली समयानुसार आज बिहान सम्पन्न खेलमा आर्सनलले अमेरिकन फुटबल क्लब एमएलएस अल स्टार्सलाई ५–० गोलले पराजित गरेको हो ।
प्रिसिजन अघि अमेरिका पुगेको आर्सनललाई फराकिलो जित दिलाउन गाब्रियल जेससले ५औं मिनेटमा गोल गर्दै सुरुवाती अग्रता दिलाएका थिए ।
यस्तै, लिन्ड्रो ट्रोसार्डले २३, जर्गिन्होले ४७(पेनाल्टी), गाब्रियल मार्टिनेलीले ८४ तथा काई हाभेर्ट्जले ८९ औं मिनेटमा गोल गरे ।
आर्सनलले अब मैत्रीपूर्ण फुटबल अन्तर्गत नै आईतबार म्यान्चेस्टर युनाइटेडसँग खेल्नेछ ।
