काठमाडौँ । मंगलबारदेखि सुरु भएको नेपाली कांग्रेसको केन्द्रीय समिति बैठक आज पनि बस्दै छ ।ललितपुर सानेपास्थित केन्द्रीय कार्यालयमा बिहान ११ बजेबाट बैठक सुरु हुने बताइएको छ ।
बैठकमा हिजो बुधबारबाट केन्द्रीय सदस्यहरूले धारणा राख्ने क्रम सुरु भएको थियो। हिजो आमन्त्रित जिल्ला सभापतिसहित झन्डै चार दर्जन केन्द्रीय नेताहरूले आफ्नो धारणा राखेका थिए ।
हिजोको बैठकमा ४६ जना केन्द्रीय नेताहरूले धारणा राखेको कांग्रेसले जनाएको छ । आज पनि नेताहरूले धारणा राख्ने क्रम जारी रहने बताइएको छ ।
