काठमाडौं । कांग्रेस सभापति शेरबहादुर देउवालाई प्रधानमन्त्री घोषणा गर्न परमादेश माग गर्दै विपक्षी गठबन्धनले रिटको मस्यौदा तयार पारेका छन् । जसका लागि विपक्षी गठबन्धनका सासंदहरुले हस्ताक्षर संकलन प्रक्रिया थालिसकेका छन् ।
संविधानको धारा ७६ (५) बमोजिम प्रधानमन्त्री नियुक्त नगरी राष्ट्रपतिले देउवाको दावी खारेज गरेकाले अदालतबाट देउवालाई प्रधानमन्त्री घोषणा गरी सपथग्रहणको बाटो खुल्ला गर्नुपर्ने उनीहरुको माग छ ।
अहिलेसम्म कांग्रेसका ६१ र माओवादीका ४९ सांसदको हस्ताक्षर भइसकेको र सबै सांसदको नागरिकता,सांसद परिचयपत्र र हस्ताक्षरको नमूना संकलनको काम सकिएको बताइएको छ ।
यस्तै एमालेको माधव नेपाल पक्षका केही सांसद बानेश्वरमा हस्ताक्षरका लागि पुगिसकेको स्रोतले बताएको छ ।
