• ४ असार २०८१, मंगलवार
  •      Tue Jun 18 2024
  •   Unicode
Logo
Latest
★   प्रधानमन्त्रीले नैतिकताको आधारमा पदमा बसिरहन मिल्दैन: प्रभु साह ★   भौतिक पूर्वाधार तथा यातायात मन्त्रालयको बजेट पुनर्लेखन गर्नुपर्छ: अब्दुल खान ★   अध्यक्ष ठाकुरको प्रश्न: जनयुद्ध गरेको माओवादी नेतामाथि कुनै मुद्दा छैन, मधेसी नेतामाथि मुद्दा किन ? ★   सहकारी मन्त्रालयको ‘ब्रिफिङ’: दुई सहकारीले रकम फिर्ता गरिसक्यो ★   गोसाइँकुण्डमा गङ्गादशहरा स्नान गर्ने बढे ★   शिक्षामा दलिय राजनीतिकरण अन्त्य गरेरै छोड्छु: शिक्षामन्त्री श्रेष्ठ ★   नेपाल–चीनका विश्वविद्यालयबीच सम्बन्ध विस्तारमा शैक्षिक मेला उपयोगी हुने परराष्ट्रमन्त्रीको विश्वास ★   मन्त्रीहरुलाई खल्तीमा राजीनामा लिएर नहिड्न सांसद झाको आग्रह ★   टी–२० विश्वकप: युगान्डाका खेलाडिलाई आएको थियो म्याच फिक्सिङको अफर ★   पर्यटकको पर्खाइमा दार्चुलाको अपी नाम्पा संरक्षण क्षेत्र

राप्रपा नेपाल सम्बद्ध किसान संगठनले भन्यो: ‘लम्पी स्किन नियन्त्रण र पीडितलाई क्षतिपूर्ति देउ’



काठमाडौं । राप्रपा नेपाल निकट राष्ट्रिय किसान संगठन नेपालले लम्पी स्किन रोगको प्रकोप नियन्त्रण र क्षतिपूर्ति उपलब्ध गराउन सरकारसँग माग गरेको छ ।

संगठनका अध्यक्ष डम्बर प्रसाद सिवाकोटीद्वारा हस्ताक्षर गरिएको विज्ञप्तीमा भनिएको छ– हाल देशभर महामारीको रुपमा फैलिएको लम्पी स्किन संक्रमण रोगले नेपाल भरिका हजारौं पशुचौपायाहरु मरेका र लाखौं संक्रमित भएका छन् । यस्तो गम्भिर समस्याप्रतिको उदासिनताप्रति ‘राष्ट्रिय किसान संगठन नेपाल’ खेद प्रकट गर्दछ ।

लम्पी स्किन रोगको प्रकोपबाट हाल देखिएको जटिल अवस्थालाई गम्भिररुपमा लिन तथा आवश्यक योजना तथा कार्यक्रमसहित रोग नियन्त्रणमा तत्काल सम्वद्ध निकायका संयन्त्रहरुलाई प्रभावकारी रुपमा परिचालन गर्न ‘राष्ट्रिय किसान संगठन नेपाल’ सरकारसँग माग गर्दछ ।

लम्पी स्किन रोगको कारणबाट आमकिसानलाई पुग्न गएको क्षतिको उचित क्षतिपूर्ति, रासायनिक मल तथा बिउबिजनको व्यवस्थापन लगायतका कृषकहरुका समस्याहरुमाथि सरकार गम्भिर नहुने हो भने ‘राष्ट्रिय किसान संगठन नेपाल’ सडक संघर्षमा उत्रन बाध्य हुने भन्दै संगठनले यथोचित समाधानको लागि दीर्घकालीन योजना ल्याउन सरकारसँग माग गरेको छ ।