काठमाडौं । एसिसी इमर्जिङ कपमा पाकिस्तान ए विरुद्ध नेपालले टस जितेको छ।
श्रीलंकाको कोलोम्बो क्रिकेट ग्राउन्डमा टस जितेर नेपालका कप्तान रोहित पौडेलले पहिला ब्याटिङ गर्ने निर्णय लिएका हुन् ।
नेपालको रोहित पौडेल र पाकिस्तानको मोहम्मद हरिसले कप्तानी गर्नेछन् ।
समूह ए मा श्रीलंका, अफगानिस्तान, बंगलादेश र ओमान ए छन् भने समूह बी मा नेपालसँगै भारत, पाकिस्तान र युएईको ए टोली छ ।
नेपालले दोस्रो खेलमा सोमबार भारत ‘ए’ सँग खेल्नेछ । नेपालले समूह चरणको अन्तिम खेलमा बुधबार युएई ‘ए’ सँग खेल्नेछ ।
