काठमाडौँ । नेपालले पहिलो मैत्रीपूर्ण खेलमा बंगलादेशसँग बराबरी खेलेको छ ।
बंगलादेशमा बिहीबार भएको पहिलो मैत्रीपूर्ण खेलमा नेपालले बंगलादेशसँग १–१ गोलको बराबरी खेलेको हो ।
खेलको ६५ औं मिनेटमा सबिना खातुनको गोलबाट घरेलु टोली बंगलादेशले अग्रता लिएको थियो । यता, नेपालका लागि सावित्रा भण्डारीले इन्जुरी समयमा गोल गर्दै हारबाट जोगाइन् ।
एशियाडको तयारीमा रहेको नेपाल बंगलादेशसँग मैत्रीपूर्ण फुटबल खेल्न बंगलादेश पुगेको हो । नेपालले अब दोस्रो मैत्रीपूर्ण खेल आईतबार बंगलादेशसँग नै खेल्नेछ ।
