एजेन्सी । बलिउड अभिनेता शाहरुख खानले बिहीबार ‘आस्क एसआरके’को सोधपुछ समारोह आयोजना गरे । यसक्रममा शाहरुखले एक–एक गरेर थुप्रै प्रश्नको जवाफ दिए ।
फ्यानहरूले शाहरुखलाई उनको व्यक्तिगतदेखि व्यावसायिक जीवनसँग सम्बन्धित धेरै प्रश्नहरू सोधे । यतिबेला शाहरुखको आगामी फिल्म ‘जवान’को निकै चर्चा भइरहेको छ ।
फ्यानका धेरैजसो प्रश्न जवानसँग मात्रै सम्बन्धित थिए । एकजनाले सोधे, जवान कति घण्टाको फिल्म हो । जवाफमा शाहरुखले भने, ‘जति समय छ, त्यति नै हेर्नुहोला ।’ एक ट्विटर प्रयोगकर्ताले अलि अनौठो प्रश्न सोधे ।
उनले शाहरुखलाई सोधे कि तपाई आफ्नो फिल्मको टिकट आफै किन्नु हुन्छ ? यसको जवाफमा शाहरुखले पनि रोचक जवाफ दिए । शाहरुखले भने – आफ्नो कामको तलब आफैं दिनुहुन्छ ?’
