काठमाडौँ । नेकपा (माओवादी केन्द्र) का अध्यक्ष एवं प्रधानमन्त्री पुष्पकमल दाहाल प्रचण्डकी दिवंगत पत्नी स्व सीता दाहालको पार्थिव शरीरलाई अन्तिम श्रद्धाञ्जलिका लागि अहिले माओवादी केन्द्रको पार्टी कार्यालय पेरिस डाँडामा राखिएको छ ।
प्रधानमन्त्री निवास बालुवाटारबाट उहाँलाई बिहान ८ बजे नर्भिक अस्पतालको इमरजेन्सीमा ल्याइएको थियो । दुर्लभ खालको पिएसपी (प्रोग्रेसिभ सुप्रान्युक्लियर पाल्सी) रोगले पीडित उहाँको बिहान ८:३३ मा निधन भएको हो ।
उहाँलाई अन्तिम श्रद्धाञ्जलि दिन राजनीतिक दलका नेताहरु, विशिष्ट व्यक्तित्वहरु पुगेका छन् ।
उहाँको पार्थिव शरीर श्रद्धाञ्जलिका लागि ११ देखि १ बजेसम्म पार्टी केन्द्रिय कार्यालय पेरिसडाँडामा राखिने छ भने दिउँसो २ बजे पशुपति आर्याघाटमा अन्तिम संस्कार गरिनेछ ।
