काठमाण्डौ । नेपालकै पुरानो सामाजिक संस्थाको रुपमा रहेको नेपाल परिवार नियोजन संघ, काठमाण्डौ उपत्यका शाखाको मंगलबार सम्पन्न अधिवेशनले सर्वसम्मत चयन गरेका ११ जना पदाधिकारीमध्ये ७ जना महिला चयन भएका छन् भने ४ जना पुरुष छन ।
यसरी निर्वाचित भएका पदाधिकारीमध्ये उपत्यका सभापतिमा तारा पुडासैनी र कोषाध्यक्षमा रवी श्रेष्ठ चयन भएका छन् । बाँकी निर्वाचित भएका कार्यसमितिका युवा सदस्यहरुमा प्रमिला श्रेष्ठ, स्वर्णिमा श्रेष्ठ र पुजन खड्का छन भने महिला सदस्यद्वयमा अमिता पौडेल र उज्वला सुवाल छन । यसैगरि विशेषज्ञ महिला सदस्यहरुमा सृजना बज्राचार्य र पुष्पा जोशी छन भने विशेषज्ञ पुरुष सदस्यहरुमा सुशील खत्री र राममान महर्जन छन् । यसपटकदेखि सभापति र कोषाध्यक्षबाहेक ९ जना कार्यसमितिका सदस्य रहेका छन् ।
संघका २८ जिल्लामध्ये काठमाण्डौ उपत्यका शाखाको ४३ औं वार्षिक साधारण सभा तथा अधिवेशनमा पहिलोपल्ट अपाङ्गता तथा एचआइभि क्षेत्रलाई समेत समेटी वहुमत महिला सदस्यलाई चयन गरेको हो । शाखाले दिने सेवाहरु पनि अधिकांश महिला र शारिरीक अपाङ्गता लक्षित छ ।
नवनिर्वाचित पदाधिकारीहरुलाई बागमती प्रदेशकी सभासद भुवनेश्वरी श्रेष्ठ र नेपाल परिवार नियोजन संघका केन्द्रीय अध्यक्ष हिमालयलाल कसजुले प्रमाणपत्र वितरण गरे ।
कार्यक्रममा संघको उपत्यका शाखाका शाखा प्रवन्धक शरदकुमार अर्यालले शाखाका गतिविधिबारे प्रकाश पारे भने जनस्वास्थ्य अधिकृत रामकृष्ण फुयाँलले शाखाले परिवार नियोजन तथा प्रजनन अधिकारको क्षेत्रमा गरेको काम कारवाहीको प्रशंसा गरे ।
