काठमाडौँ । राष्ट्रिय स्वतन्त्र पार्टीकी सांसद तथा पूर्वस्वास्थ्य तथा जनसख्या राज्यमन्त्री तोसिमा कार्कीले स्वास्थ्य तथा जनसंख्यामन्त्री मोहन बस्नेतको राजीनामा माग गर्नुभएको छ । मन्त्री बस्नेतले दिनुभएको एक अभिव्यक्तिलाई लिएर कार्कीले राजीनामा माग गर्नुभएको हो ।
सामाजिक सञ्जाल फेसबुकमा आफ्नो असन्तष्टि व्यक्त गर्दै सांसद कार्कीले मन्त्री बस्नेतले राजीनामा दिनुपर्ने बताउनुभयो । मन्त्री बस्नेतले सरुवा हुन नमान्ने कर्मचारीले आत्महत्याको धम्की दिएको र आफूले आत्महत्या गर्ने भए गर्नुस् बरु मै डोरी दिउँला, सचिवको कोठामा गाह्रो भए मन्त्रीकै गेटमा झुण्डिए हुन्छ भन्ने जवाफ दिनुभएको बताउनुभएको थियो ।
सांसद कार्कीले मन्त्री बस्नेतको उक्त अभिव्यक्ति गैरजिम्मेवार भएको भन्दै राजीनामा माग गर्नुभएको हो । ‘स्वास्थ्य क्षेत्रको अभिभावक भएर तमाम देशभरीका स्वास्थ्यकर्मीहरुको श्रम पसिना र उनीहरुको दुःख त्यागको सम्मानजनक सम्बोधन गर्नुसाटो उल्टै यसरी निरुत्साहित गर्ने र आत्महत्या दुरुत्साहन गर्ने किसिमको भनाई स्वयम् स्वास्थ्य मन्त्रीबाटै आउनु खेदजनक मात्र हैन सम्पूर्ण स्वास्थ्यकर्मी र राष्ट्रलाई नै घातक हुन सक्छ्र त्यसैले नैतिकताको आधारमा स्वास्थ मन्त्री महोन बहादुर बस्नेतले तत्कालै राजीनामा दिनुपर्छ’, उहाँले भन्नुभएको छ ।
