काठमाडौँ । अख्तियार दुरुपयोग अनुसन्धान आयोगले एक लाख रुपैयाँ घुससहित एक लेखा अधिकृतलाई पक्राउ गरेको छ ।
सडक डिभिजन कार्यालय, लहान सिरहाका लेखा अधिकृत पदम बिनोद पोखरेलले सडक निर्माणको अन्तिम बिल भुक्तानी दिने प्रयोजनार्थ सेवाग्राहीसँग घुस माग गरिरहेको भन्ने सूचना एवं उजुरी निवेदनका आधारमा अख्तियराको टोलीले पक्राउ गरेको हो ।
अख्तियार दुरुपयोग अनुसन्धान आयोगको कार्यालय, बर्दिवासबाट खटिई गएको टोलीले निज लेखा अधिकृत पोखरेललाई सेवाग्राहीबाट घुस लिइसकेको अवस्थामा रकमसहित मंगलबार साँझ नियन्त्रणमा लिइ अनुसन्धान अघि बढाएको हो ।
