काठमाडौं । सिंहदरबारमा तीन दलका शीर्ष नेताहरुबीचको छलफल जारी रहेको छ । संसदको अवरोध हटाउने विषयमा सहमति जुटाउन तीन दलका शीर्ष नेताहरु छलफलमा बसेका हुन् ।
आइतबार पनि प्रधानमन्त्री पुष्पकमल दाहाल प्रचण्डले नेपाली कांग्रेसका सभापति शेरबहादुर देउवा र प्रमुख प्रतिपक्षी दलका नेता केपी शर्मा ओलीसँग छलफल गरेका थिए । यद्यपि आइतबारको समझदारी केही घण्टामै भाँडिएको थियो ।
एमालेले प्रधानमन्त्रीको राजीनामालाई बटमलाइन बनाएको थियो तर आइतबारको छलफलमा प्रधानमन्त्री प्रचण्डले सदनमा आत्मालोचना गरे अघि बढ्न दिने भएको थियो ।
प्रधानमन्त्री प्रचण्डले आफूलाई प्रधानमन्त्री बनाउन सरदार प्रितम सिंह पटक–पटक दिल्ली गएको भनेर अभिव्यक्ति दिएपछि प्रधानमन्त्रीको राजीनामाको अडान राख्दै एमालेले संघीय संसदका दुवै सदन अवरुद्ध गर्दै आएको छ ।
