काठमाडौँ । आइतबारदेखि तिब्बत एयरलाइन्सले सियान–काठमाडौँ रुटमा सिधा उडान पुन: सुरु गर्ने भएको छ। एयरलाइन्सले सूचना प्रकाशित गर्दै टिकट खरिदमा विशेष अफरसमेत ल्याएको छ।
सियानबाट काठमाडौँको एकतर्फी यात्राका लागि रु १२ हजार ६०० (६९० युयान) मात्र र सियान–काठमाडौँ–सियान दुईतर्फी यात्राको रु १८ हजार रुपैयाँ (९९० युयान) निर्धारण गरेको छ ।
एयरलाइन्सले यो अफर केही समयका लागि एयरलाइन्सको आधिकारिक वेबसाइट, आधिकारिक ह्विच्याट अकाउन्ट, हटलाइन र एयरलनइन्सको सेल्स काउन्टरबाट टिकट खरिद गर्न पाइने जनाएको छ ।
एयरलाइन्सले काठमाडौँसहित नेपालका पर्यटकीय गन्तव्यका बारेमा चिनियाँ भाषामा जानकारी दिँदै उडान सञ्चालन गर्ने जनाएको छ।
यसअघि काठमाडौँदेखि चीनका छन्तु, खुन्मिङ, बेइजिङ, ग्वान्चउमा सिधा उडान पुन: सुचारु भएको छ। त्यस्तै, सांघाईबाट पनि सिधा उडानको तयारी भइरहेको छ।
