काठमाडौँ । फिल्म अभिनेता एवं कलाकार सारुक ताम्राकारको पार्थिव शरीरलाई पशुपति आर्यघाटमा अन्त्येष्टि गरिएको छ ।
सारुकको पार्थिव शरीरमा बुबा सानु ताम्राकारले दागबत्ती दिएका थिए । पशुपति आर्यघाटमा ताम्राकारलाई अन्तिम श्रद्धाञ्जली दिन शुक्रबार अपरान्ह फिल्मकर्मीको बाक्लो उपस्थिति थियो ।
सारुकको शवलाई त्यहाँ आर्यघाट लैजाँदा त्यहाँको माहोल स्तब्ध र भावुक बनेको थियो । कतिपय कलाकारले अभिनेताको सम्झनामा आँसुसमेत बगाएका छन् ।
ताम्राकार गए राति काठमाडौँको रातोपुलस्थित आफ्नै घरमा झुण्डिएको अवस्थामा फेला परेका थिए । ३१ वर्षीय ताम्राकार घरको भर्याङको रेलिङमा प्लास्टिकको पाइपको पासो लगाई झुण्डिएको अवस्थामा गए राति ११ बजे मृत फेला परेका हुन् ।
ताम्राकारले ‘इन्टु मिन्टु लण्डनमा, मेरी मामु, रानीलगायत चलचित्रमा अभिनय गरेका थिए । उनी पछिल्लो समय चलचित्र ‘ह्यासट्याग माया’ को अभिनयमा ब्यस्त थिए । घटनाबारे प्रहरीले अनुसन्धान गरिरहेको छ ।
