एजेन्सी । बलिउड अभिनेता विजय वर्मा यतिबेला आफ्नो फिल्म ‘लस्ट स्टोरीज २’ को कारण चर्चामा छन् । विजय अहिले फिल्मको सफलतामा रमाइलो गरिरहेका छन् । यो फिल्म नेटफ्लिक्समा ट्रेन्डिङमा पहिलो नम्बरमा छ । यस फिल्ममा विजयले पहिलो पटक अभिनेत्री तमन्ना भाटियासँग काम गरेका छन् ।
हालै, अभिनेताले आमिर खान र करिश्मा कपूर स्टारर फिल्म ‘राजा हिन्दुस्तानी’ आफ्नो परिवारसँग हेरेको आफ्नो अनुभव र फिल्म हेर्दा परिवारको प्रतिक्रिया कस्तो थियो साझा गरेका छन् ।
हालै एक अन्तर्वार्तामा विजयले फिल्म ‘राजा हिन्दुस्तानी’ मा चुम्बन दृश्यको अनुभव साझा गर्दै आफू दुई–तीन परिवारका सदस्यसँग राजा हिन्दुस्तानी हेर्न गएको बताए । ‘म मेरा आमाबुबा, मेरा काका र तिनीहरूका परिवार । हामी थिएटरमा एक पङ्क्तिमा २० जना बस्यौं । पुरै फिल्म राम्रो चलिरहेको थियो कि अचानक आमिर र करिश्माको किसिङ सीन सुरु भयो । यो दृश्य देख्नेबित्तिकै उक्त लाइनमा असहज फैलियो । मलाई के गर्ने थाहा नै भएन ।’ उनले भने ।
विजयले थपे, ‘यो दृश्य कहिले समाप्त हुन्छ म पर्खिरहेको थिएँ, तर यो दृश्य एक घण्टाभन्दा बढी देखाइँदै थियो जस्तो लाग्यो ।’ विजयको यो कुरा सुनेर त्यहाँ उपस्थित अभिनेत्री तमन्ना चर्को स्वरले हाँस्न थालिन् र परिवारसँग कुनै पनि घनिष्ट दृश्य हेर्न पाउनु साँच्चै चुनौतीपूर्ण हुने बताइन् ।
